Мобилни апликации

Зголемувањето на конкуренцијата, како и барањето за што поголем и побрз обрт на стоките, налагаат тие да се испорачуваат директно кај купувачите – за разлика од магацинската дистрибуција, каде што купувачот сам доаѓа да ја избере и подигне стоката која ја купува.

Дистрибуцијата на стока може да се случи или по претходна нарачка од страна на купувачот, или со т.н. амбулантна продажба.

Во случај на амбулатна продажба, стоката е натоварена во одреден асортиман и количина во соодветно возило (пик–ап, комби или камион). Купувачот на лице место ја избира стоката која сака да ја купи, при што комерцијалистот–дистрибутер му ја издава, а исто така му дава и попратна документација. Оваа документација се состои од испратница/фактура со наведени производи, количини и цени, а во случај да се врши наплата во готово, се издава и каса–прими. Ако некој вид на стока во моментот не е натоварен во возилото, а купувачот сака да ја набави, комерцијалистот му издава заклучница–нарачка.

Освен за дистрибуција, постојат и други можности за употреба на оваа технологија – на пример, собирање на комерцијално – маркетиншки информации од теренот, обработка на нарачки, собирање на статистички податоци, итн.

Зголемена ефикасност

Ваквиот начин на работење исклучително многу ја зголемува ефикасноста бидејќи:

• Се зголемува бројот на купувачи кои што можат да бидат дневно посетени;
• Се намалува можноста за грешка, бидејќи документацијата се изработува на лице место и само еднаш – нема препишување од рачно пополнети документи;
• Комерцијалистот–дистрибутер во својот преносен компјутер има точна информација за залихата, цените, рабатите и финансиските податоци за своите купувачи;
• Целиот процес на продажба е поедноставен и поефикасен;
• Централната состојба на залиха во магацинот, како и финансиски податоци се ажурираат многу побрзо и поточно.

Процес на мобилна дистрибуција

Како пример, овде ќе опишеме како функционира процесот на мобилната дистрибуција:

CRM системи

Инфопројект има особено големо искуство во имплементација на CRM системи. Нашиот најголем клиент на ова подрачје е Imperial Tobacco, т.е. неговите локални фабрики и дистрибутери во Европа и дел од Азија. Апликацијата веќе достигна до верзија 3, а купувачот е особено задоволен од нејзините карактеристики.
Комерцијалните и статистичките податоци од терен, внесени на рачни компјутери,  автоматски се концентрираат во еден data-warehause сервер. Потоа, нашите корисници со помош на специјално испрограмиран „data-mining“ софтвер добиваат вредни накрсни прегледи и длабок и детален увид во состојбата на теренот. За споредба, најмалата опфатена земја има 28.000 POC-ови (Point of contact). додека поголемите достигнуваат и до 200.000.

Технологија

Инфопројект поддржува повеќе разни произведувачи и модели на рачни компјутери. Поради својата робустност и издржливост, кај нашите клиенти едни од најомилените се производите на Psion Teklogix.
Начинот на синхронизација зависи од повеќе фактори, а особено од можностите за поврзување со интернет или серверот за концентрација.
Постојат модели наменети за работа во локал, магацин или стовариште, кои се постојано во врска со централниот компјутер со помош на бежична мрежа (WiFi).
За работа на дистрибуција на стока со возило (камион, комбе и сл.), или за комерцијална продажба се користат преносни компјутери во комплет со печатар, за издавање на документи на лице место.
Инфопројект има успешни имплементации со повеќе видови на синхронизација: преку GPRS, 3G, HDSP, а – се разбира – секогаш останува и синхронизација во директна врска со серверот, кога, на крајот на работниот ден, дистрибутерите (трговските патници), ги пренесуваат изработените документи на централниот компјутер.